Poetry

Qubool kr le use ae jahaan-e-kohan-mizaaj...
Main de raha hun tujhe ek nayii ghazal ka khiraaj...

Ghareeb-e-sheher ki asmat na bik rahi ho kahin...
Ajeeb shor suna hai faseel-e-sheher pe aaj...

Tum apne zehan ki tanhaiyo'n me chhup jaao...
K ho chala hai bht aam khudkushii ka riwaaj...

Labo'n ko see k gunahgaar-e-guftugu thehro...
Isii ka naam hai Duniya,, isii ka naam Samaaj...

Main kis tarah kisi raste me sir utha k chalu'n...??
K mere sir pe to rakha hai khwaahishaat ka taaj...

Utar gaya mere wajdaan ki taho'n me magar...
Wo rakh saka na mere doobte sha'oor ki laaj...

Meri ghazal se hi pehchaan lo mujhe MOHSIN...
Meri ghazal se jhalakta hai mere funn ka mizaaj.....!!